Vai a sottomenu e altri contenuti

Sportello linguistico

A is Famìllias

S'Ufìtziu Lìngua Sarda, finantziau gràtzias a sa lei 482 de su 15 de su mesi de idas de su 1999 ''Normas po sa tutela de is minorias linguìsticas istòricas'', est pensau po totu sa genti, òminis e fèminas, mannus e piticus e finas etotu po s'Amministratzioni Pùblica, chi bolint impreai su sardu me in is fainas cosa insoru e tenint abisòngiu de una manu de agiudu.

Sa pròpia lei arremonada asuba narat ca in cussus Comunus anca s'est fata sa delimitatzioni de s'àmbitu territoriali, su Contzillu e is àterus òrganus collegialis podint impreai sa lìngua posta a tutela me in is fainas cosa insoru.

Tocat a s'arragordai, in prus, ca su sardu est sa lìngua de minoria sa prus fueddada in s'Itàlia e po cussu iat a essi bellu a traballai a manu de pari cun totu sa comunidadi cun pensadas e fainas chi donint a sa lìngua nosta s'importu chi si ballit.

Cun custu Ufìtziu su Comunu de Mogoredda bolit pesai in pei totu is bideas bellas chi potzant poni impari sa cultura e sa lìngua sarda po permiti a sa genti de dda fueddai e dda iscriri ònnia dii e candu bolint in domu e cun is istitutzionis, po chi non siat prus ''cosa de s'antigòriu'' ma lìngua de sa modernidadi, agiudendisii a cresci in sa sotziedadi e in s'economia.

Saludus nodius
Su Sìndigu